ആദ്യ ആർത്തവം എത്ര വയസ്സിൽ?

ഒരു സ്ത്രീയുടെ ജീവിതമൂലധനമാണ് അവളുടെ ആരോഗ്യം. സ്ത്രീകളുടെ ആരോഗ്യസംബന്ധമായ സംശയങ്ങൾക്ക് ആധികാരികമായ മറുപടി നൽകുന്ന പംക്തി

- ഡോ. റിങ്കു ജി. പ്രഫസർ, ഒബ്സ്റ്റട്രിക്സ് & ഗൈനക്കോളജി ഗവ.മെഡിക്കൽ കോളജ്, കൊല്ലം

മകൾക്ക് 10 വയസ്സ്. മകളുടെ കക്ഷത്തിലും സ്വകാര്യ ഭാഗത്തും രോമങ്ങൾ വന്നു തുടങ്ങി. ഉടൻ തന്നെ ആദ്യ ആർത്തവം വരുമോ ?
വിദ്യ, വിഴിഞ്ഞം

ആദ്യ ആർത്തവത്തിലേക്ക് (Menarche) എത്തുന്നതിനു പല ഘട്ടങ്ങളുണ്ട്. ബാല്യത്തിൽ നിന്നു കൗമാരത്തിലേക്കുള്ള യാത്രയിൽ ഒരു കുട്ടി ശാരീരികമായും മാനസികമായും ലൈംഗികമായും ഉള്ള മാറ്റങ്ങളിലൂടെ കടന്നു പോകുന്നു.

തലച്ചോറ്, അണ്ഡാശയങ്ങൾ, ഗർഭപാത്രം എന്നിവ യൊക്കെ ബന്ധിച്ചിരിക്കുന്ന സങ്കീർണമായ സർക്യൂട്ടിന്റെ (HPO Axis Maturation) പ്രവർത്തനം മൂലമാണു മാറ്റങ്ങൾ സംഭവിക്കുന്നത്. അഡീനൽ ഗ്രന്ഥി ഉൽപാദിപ്പിക്കുന്ന ആൻഡ്രജൻ, പിറ്റ്യൂറ്ററി ഗ്രന്ഥി ഉൽപാദിപ്പിക്കുന്ന ഗ്രോത് ഹോർമോൺ എന്നിവയുടെ പ്രവർത്തനവും പ്രധാനമാണ്.

എട്ടു 16 വയസ്സു വരെയുള്ളപ്പോഴാണു മിക്ക പെൺകുട്ടികളിലും മാറ്റങ്ങൾ വന്നു തുടങ്ങുന്നതും ലൈംഗികമായ പൂർണതയിലേക്ക് എത്തുന്നതും. ഇതാണു ക്യുബേർ ടി. ഘട്ടം ഘട്ടമായാണ് ഇവരിലെ മാറ്റങ്ങൾ.

ഉയരം വയ്ക്കുന്നതാണ് ആദ്യ പടി. എട്ട്-ഒൻപതു വയസ്സിൽ വളർച്ചാ ഹോർമോണുകളുടെ ഫലമായി ഈ മാറ്റം കാണാം.