കൊച്ചാളിന്റെ ചൈതന്യം

'കൊച്ചാളിലെ അന്നമ്മ എന്ന കഥാപാത്രത്തിലൂടെ മലയാളത്തിന് പുതിയൊരു നായിക കൂടി, ചൈതന്യ പ്രതാപ്

- രൂപാ ദയാബ്ജി

മിസ് കേരളയിൽ നിന്നെത്തി

2019 ലെ മിസ് കേരള മത്സരത്തിന്റെ അനൗൺസ്മെന്റ് വരുമ്പോൾ ഞാൻ ഇൻഫോസിസിൽ ജോലി ചെയ്യുകയാണ്. അന്നുവരെ അഭിനയത്തിലോ മോഡലിങ്ങിലോ പരിചയമൊന്നുമില്ല.

കോവിഡ് സമയമായതിനാൽ ഓൺലൈനായിരുന്നു ആദ്യറൗണ്ടുകൾ. അവസാന രണ്ടോ മൂന്നോ റൗണ്ടിൽ മാത്രം കൊച്ചിയിൽ ചെന്നാൽ മതി. ജോലിക്കിടെ ലീവെടുക്കേണ്ടി വരില്ലല്ലോ എന്നാണ് പരസ്യം കണ്ടപ്പോൾ ആദ്യം ചിന്തിച്ചത്. സെലക്ഷൻ കിട്ടിയതോടെ കൂട്ടുകാരും വീട്ടുകാരുമൊക്കെ വിഡിയോ എടുക്കാൻ സഹായിച്ചു. അതിനു മുൻപ് മോഡലിങ്ങിനെ കുറിച്ച് ആലോചിച്ചിട്ടു പോലുമില്ലാത്ത ഞാൻ ഫൈനൽ റൗണ്ട് വരെയെത്തി.

സ്റ്റേജാണ് ഹരം