തേൻ സൗന്ദര്യത്തിനും രോഗശമനത്തിനും

അഴകിനു മാത്രമല്ല ആരോഗ്യ സംരക്ഷണത്തിലും തേൻ മുന്നിൽ തന്നെ

- വിവരങ്ങൾക്ക് കടപ്പാട്- ഹണിബീസ്

സൗന്ദര്യസംരക്ഷണത്തിൽ തേനിനുള്ള പ്രാധാന്യത്തെക്കുറിച്ച് പൊതുവെ തർക്കമില്ല. നൂറ്റാണ്ടുകൾ പഴക്കമുള്ള കഥകളിൽ പോലും രാജകുമാരിമാർ ഉപയോഗിച്ചിരുന്ന സൗന്ദര്യവർദ്ധക വസ്തുക്കളിൽ പ്രധാന സ്ഥാനം തേനിനുണ്ടായിരുന്നു എന്നതാകാം കാരണം. സൗന്ദര്യം കാത്തുസൂക്ഷിക്കാൻ തേനിലും പാലിലും ക്ലിയോപാട്ര  നടത്തിയിരുന്ന കുളി, റോമൻ ചക്രവർത്തി നീറോയുടെ ഭാര്യ മുഖസൗന്ദര്യത്തിനായി ഉപയോഗിച്ചിരുന്ന തേനും പാലും ചേർന്ന കുഴമ്പ്... തേനിന്റെ മാഹാത്മ്യത്തെക്കുറിച്ച് പറയാൻ കഥകളിങ്ങനെ ഒരുപാടുണ്ട്. 1800 കളിൽ സൗന്ദര്യ വർദ്ധക വസ്തുക്കളുടെ (കോസ്മെറ്റിക്സ്) നിർമ്മാണം തുടങ്ങിയപ്പോൾ ഏറ്റവും ഡിമാന്റുള്ള ചേരുവ തേനായിരുന്നു. ഇന്നും ഇക്കാര്യത്തിൽ തേനിന്റെ സ്ഥാനം മുന്നിൽ തന്നെ. അഴകിനുമാത്രമല്ല ആരോഗ്യ സംരക്ഷണത്തിലും തേൻ മുന്നിൽ തന്നെ.

നാച്ചുറൽ മോയിസ്ചറൈസർ

പ്രായം കൂടുന്നതിനനുസരിച്ച് ചർമ്മത്തിന് ജലാംശം കരുതിവയ്ക്കാനുള്ള കഴിവ് കുറയുന്നു. ഇതു മൂലം ചർമ്മം വരണ്ടതാവുകയും ചുളിവുകൾ വീഴുകയും ചെയ്യും. ഇവിടെ തേൻ നല്ലൊരു പരിഹാരമാർഗ്ഗമാണെന്ന് വിദഗ്ധർ പറയുന്നു.

മുടിയുടെ സൗന്ദര്യത്തിന്

ഒരു ടീസ്പൂൺ തേൻ നാല് കപ്പ് ചെറു ചൂടുവെള്ള ത്തിൽ കലർത്തി മുടി ഷാംപൂ ചെയ്താൽ മുടിയുടെ തിളക്കം വർദ്ധിക്കും.

മുടി കൊഴിച്ചിലിന്

ഒരു ടീസ്പൂൺ ചെറുചൂടുള്ള ഒലീവ് ഓയിൽ, ഒരു ടേബിൾ സ്പൂൺ ചെറു തേൻ, ഒരു ടീസ്പൂൺ കറുവപ്പട്ട പ്പൊടി ഇവ യോജിപ്പിച്ച് കുഴ ബാക്കി കുളിക്കുന്നതിന് പതിനഞ്ച് മിനിറ്റു മുമ്പ് തലയിൽ തേച്ച് പിടിപ്പിച്ച് കഴുകിക്കളയുക.