લૂંટ વિથ મર્ડરની ઘટનાને અંજામ આપ્યા બાદ આરોપી ખરાઈ કરવા વૃદ્ધાના ઘરે ગયો

છારાનગરમાં વૃદ્ધાના લૂંટ વિથ મર્ડર કેસનો ભેદ પોલીસે ઊકેલી તાખ્યો: રેલવે ટ્રેકથી ચાલતાં ચાલતાં હાઈવે પર પહોંચ્યા

- 

શહેરના કુબેરનગર વિસ્તારમાં વૃદ્ધાની લૂંટ વિથ મર્ડર મિસ્ટ્રીનો પર્દાફાશ પોલીસે કરી દીધો છે અને બે આરોપીઓની ધરપકડ કરી છે. કોઈ પણ પ્રકારના અફસોસ વગર આરોપીઓએ વૃદ્ધાની હત્યા કરીને લૂંટ ચલાવી હતી. હત્યા કર્યા બાદ પણ આરોપીઓ વૃદ્ધાનું મોત થયું છે કે નહીં તેની ખરાઈ કરવા માટે ફરીથી તેમના ઘરે ગયા હતા.

કુબેરનગરના છારાનગરમાં ૩ માર્ચે મોડી રાતે વૃદ્ધાના ઘરમાં લૂંટના ઇરાદે આવી હત્યા ક૨વાના કેસમાં બે આરોપીઓની સરદારનગર પોલીસ દ્વારા ધરપકડ કરવામાં આવી છે. છારાનગર વિસ્તારમાં મજૂરીકામ કરતા બે યુવકો દ્વારા ઉત્તરપ્રદેશના આગ્રાથી બે માણસો બોલાવીને લૂંટના ઇરાદે વૃદ્ધાની હત્યા કરાઈ હતી. હત્યા કર્યા બાદ આરોપીઓ અલગ અલગ વાહનોમાં યુપી ખાતે જતા રહ્યા હતા. સરદારનગર પોલીસે સીસીટીવી ફૂટેજના આધારે તપાસ કરી બે આરોપીઓની ધરપકડ કરી છે. વૃદ્ધાનું મૃત્યુ થઈ ગયું છે કે નહીં તે ખાતરી કરવા ફરીથી એક આરોપી ઘરમાં પાછો ગયો હતો અને વૃદ્ધા મૃત્યુ પામ્યાં છે કે કેમ એની ખાતરી કર્યા બાદ જ ત્યાંથી નીકળ્યો હતો. પોલીસે બાકીના બે આરોપીઓની ધરપકડ કરવાની કાર્યવાહી હાથ ધરી છે.