રાજસ્થાનમાં કોલ્ડવેવનું એલર્ટઃ બિકાનેરમાં તાપમાન ૪.૭ ડિગ્રી સુધી ગગડ્યું

મધ્યપ્રદેશના ભોપાલ અને ઈન્દોરમાં તાપમાન તવ ડિગ્રીથી નીચેઃ બિહારમાં ધુમ્મસના કારણે ૧૧ ફ્લાઈટ મોડી

- 

ડિસેમ્બરની શરૂઆતથી જ પહાડી રાજ્યોમાં બરફવર્ષા થઈ રહી છે. તેના કારણે મેદાની વિસ્તારોમાં ઠંડી વધી છે. મધ્યપ્રદેશમાં આવતી કાલે તાપમાનમાં વધુ ઘટાડો થવાની સંભાવના છે. તેની અસર ઇન્દોર, ગ્વાલિયર, ચંબલ, ઉજ્જૈન અને સાગરમાં સૌથી વધુ જોવા મળશે. ગઈ કાલે ભોપાલ અને ઇન્દોરમાં લઘુતમ તાપમાન નવ ડિગ્રીથી નીચે ગગડ્યું હતું.

બિહારમાં પટણા, ગોપાલગંજ, બેતિયા અને સમસ્તીપુર સહિત આઠ જિલ્લામાં ધુમ્મસ છવાયું હતું. બેગુસરાયમાં વાદળછાયું આકાશ છવાયું હતું. ઓછી વિઝિબિલિટીને કારણે ૧૧ ફ્લાઇટ મોડી પડી હતી. હવામાન વિભાગના જણાવ્યા અનુસાર, આગામી દિવસોમાં તાપમાન બેથી ત્રણ ડિગ્રી ઘટશે.