மலேகான் குண்டுவெடிப்பு வழக்கில் பா.ஜ.க. முன்னாள் எம்.பி பிரக்யாசிங் தாக்கூர் உள்பட 7 பேரும் விடுதலை!

17 ஆண்டுகளாக நீடித்த வழக்கில் நீதிமன்றம் தீர்ப்பு !!

- 

நாட்டையே உலுக்கிய மலேகான் குண்டுவெடிப்பு சம்பவம் தொடர்பான வழக்கில் குற்றம் சாட்டப்பட்ட பா.ஜ.க. முன்னாள்எம்.பி.யும், பெண் சாமியாருமான பிரக்யா சிங் தாக்கூர், முன்னாள் ராணுவ அதிகாரி பிரசாத் புரோஹித் உள்ளிட்ட 7 பேரும் குற்றவாளிகள் அல்ல என்றுகூறி அவர்களை நீதிமன்றம் விடுதலை செய்துள்ளது.

17 ஆண்டுகளாக இந்த வழக்கு விசாரணை இழுத்தடிக்கப்பட்ட நிலையில் இறுதியாக குற்றம் சாட்டப்பட்ட அனைவரையும் நீதிமன்றம் விடுவித்துள்ளது.

கடந்த 2008ம் ஆண்டு செப்டம்பரில், மராட்டிய மாநிலம் நாசிக் மாவட்டத்தில் உள்ளமாலேகான் என்ற பகுதியில் உள்ள மசூதி அருகே இருசக்கரவாகனத்தில் வைக்கப்பட்டிருந்த வெடிகுண்டு வெடித்ததில் 6 பேர்உயிரிழந்தனர். 100க்கும் மேற்பட்டோர் படுகாயம் அடைந்தனர். முதலில்மராட்டிய பயங்கரவாத தடுப்புப் படை இந்த வழக்கை விசாரித்து. முதல் கட்ட விசாரணையில் இந்து வலதுசாரி குழுக்களுடன் தொடர்புடைய நபர்கள் என 7 பேர் அடுத்தடுத்து கைது செய்யப்பட்டனர். கைது செய்யப்பட்டவர்களில் பெண் சாமியார் சாத்வி பிரக்யா சிங் தாக்கூர் மற்றும் முன்னாள் ராணுவ அதிகாரி லெப்டினன்ட் கர்னல் பிரசாத் ஸ்ரீகாந்த் புரோஹித் ஆகியோர் அடங்குவர்.

இவர்கள் இருவரும் இந்த சம்பவத்தில் தங்களுக்குத் தொடர்பு இல்லை என்று மறுத்ததோடு, ஜாமினில் வெளிவந்தனர். கடந்த 2011 ல்மலேகான்குண்டுவெடிப்பு வழக்கு தேசிய புலனாய்வு முகமை விசாரணைக்கு மாற்றப்பட்டது.