Kwaggas vereer eerste rugbyspan

Hoërskool Outeniqua het Dinsdagaand, 23 Septemeber sy eerste-spanspelers vir hul prestasies, op en van die rugbyveld, by Kwagga Cuisine Restaurant vereer.

- Hugo Redelinghuys

Ho erskool Outeniqua het op sy jaarlikse erkenningsgeleentheid vir sy eerste rugbyspan sy toppresteerders aangewys. Hulle is, voor van links: Henru Nell (voorspeler van die jaar), Keenan Myners (speler van die jaar) en Reshaan Damans (agterspeler van die jaar). Agter: Abr Minnie (direkteur van afrigting), Heinrich du Plessis (hulpafrigter), Henry Grimes (hoofafrigter), Jandré Blom (hulpafrigter) en Piet Cloete (sporthoof). Foto's: Hugo Redelinghuys

Dit is 'n trotse tradisie om die skool se eerstespanspelers, waarvan die meeste vanjaar hul skoolloopbane voltooi, afskeid te neem.

Die geleentheid dien ook as 'n gepaste afsluiting van die rugby-seisoen.

Trotse ouers het saam met die rugby-afrigters die prysuitdeling bygewoon en die spesiale rugbytruie, wat aan hul seuns oorhandig is, saam in ontvangs geneem.

Henru Nell is aangewys as die beste voorspeler van die jaar en Reshaan Damans as die beste agterspeler. Keenan Myners is bekroon met die toekenning vir speler van die jaar.