தமிழக சட்டம் - ஒழுங்கு டிஜிபியாக (பொ) வெங்கடராமன் பொறுப்பேற்பு

தமிழக காவல் துறையின் சட்டம் - ஒழுங்கு பொறுப்பு டிஜிபியாக ஜி.வெங்கடராமன் ஞாயிற்றுக்கிழமை பொறுப்பேற்றார்.

- 

சென்னை, ஆக. 31:

தமிழக காவல் துறையின் தலைமை இயக்குநராகவும், சட்டம் - ஒழுங்கு டிஜிபியாக இருந்த சங்கர் ஜிவால் ஞாயிற்றுக்கிழமை ஓய்வு பெற்றார். இதையடுத்து சட்டம் மற்றும் ஒழுங்கு பொறுப்பு டிஜிபியாக ஜி.வெங்கடராமனை நியமனம் செய்து தமிழக அரசின் உள்துறை கூடுதல் தலைமைச் செயலர் தீரஜ்குமார் உத்தரவிட்டார்.

காவல் துறையின் நிர்வாகப் பிரிவு டிஜிபியாக உள்ள வெங்கடராமனுக்கு, கூடுதல் பொறுப்பாக சட்டம் - ஒழுங்கு டிஜிபி பணியும், தமிழக காவல் துறையின் தலைமை இயக்குநர் பொறுப்பும் வழங்கப்பட்டுள்ளது. இதையடுத்து அந்தப் பொறுப்பை அவர், ஞாயிற்றுக்கிழமை மாலை ஏற்றுக் கொண்டார். அவரிடம் ஓய்வு பெற்ற டிஜிபி சங்கர் ஜிவால் பொறுப்புகளை ஒப்படைத்தார்.