உணவக ஊழியரை தாக்கிய விவகாரம்: சிவசேனை எம்எல்ஏ மீது வழக்குப் பதிவு

மும்பையில் உள்ள எம்எல்ஏ விடுதி உணவக ஊழியரை கடுமையாக தாக்கிய விவகாரத்தில் சிவசேனை (ஷிண்டே பிரிவு) எம்எல்ஏ சஞ்சய் கெய்க்வாட் மீது வெள்ளிக்கிழமை வழக்குப் பதிவு செய்யப்பட்டது என காவல் துறை அதிகாரிகள் தெரிவித்தனர்.

- 

மும்பை, ஜூலை 11:

'இந்த சம்பவத்தில் விசாரணை நடத்த முறைப்படியான புகாருக்காக காவல் துறை காத்திருக்க வேண்டியதில்லை' என்று முதல்வர் தேவேந்திர ஃபட்னவீஸ் கூறியதையடுத்து காவல் துறையினர் வழக்குப் பதிவு செய்தனர்.

எம்எல்ஏக்களின் உணவு விடுதியில் கெட்டுப்போன உணவை விநியோகித்ததாகக் கூறி உணவக ஊழியர் மீது சஞ்சய் கெய்க்வாட் முகத்தில் அறைந்தும் குத்தியும் கடுமையாக தாக்கினார். இந்தக் காணொலி சமூக ஊடகங்களில் பரவி பெரும் பரபரப்பை ஏற்படுத்தியது.