எஸ்.ஐ. தேர்வு அறிவிப்பு விவகாரம்; தேர்வாணைய அதிகாரி பதிலளிக்க உத்தரவு

காவல் உதவி ஆய்வாளர் (எஸ்.ஐ.) பணியிடங்களுக்காக கடந்த 4-ஆம் தேதி வெளியிட்ட அறிவிப்பை ரத்து செய்யக் கோரிய வழக்கில், தமிழ்நாடு சீருடைப் பணியாளர் தேர்வாணையத்தின் உறுப்பினர் செயலர் பதிலளிக்க சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, ஏப். 9:

திண்டுக்கல், தூத்துக்குடி உள்ளிட்ட பல்வேறு மாவட்டங்களைச் சேர்ந்த பிரதீப், திலகராஜன், வேல்முருகன், மோகன்ராஜ் உள்ளிட்டோர் சென்னை உயர்நீதிமன்ற மதுரை அமர்வில் தாக்கல் செய்த மனுக்கள்:

தமிழ்நாடு சீருடைப் பணியாளர் தேர்வு வாரியம் கடந்த 4-ஆம் தேதி 1,299 காவல் உதவி ஆய்வாளர் பணியிடங்களுக்கான தேர்வு அறிவிப்பை வெளியிட்டது. இந்தத் தேர்வுக்கான விண்ணப்பங்களை இணையதளம் மூலம் விண்ணப்பிக்க இயலும்.