பத்தாம் வகுப்பு பொதுத் தேர்வு நாளை தொடக்கம்

9.13 லட்சம் பேர் எழுதுகின்றனர்

- 

சென்னை, மார்ச் 26: தமிழகத்தில் மாநில அரசின் பள்ளிக் கல்வி பாடத்திட்டத்தில் பத்தாம் வகுப்பு பொதுத்தேர்வு வெள்ளிக்கிழமை (மார்ச் 28) முதல் தொடங்கவுள்ளது. இத்தேர்வை நிகழாண்டு 9.13 லட்சம் பேர் எழுதவுள்ளனர்.

தமிழகத்தில் பத்தாம் வகுப்புக்கான பொதுத்தேர்வு வெள்ளிக்கிழமை தொடங்கவுள்ளது. தொடர்ந்து இந்தத் தேர்வு ஏப். 15 வரை நடைபெறவுள்ளது. முதல்நாளில் தமிழ் உள்ளிட்ட மொழிப் பாடங்களுக்கான தேர்வு நடைபெறுகிறது. இத்தேர்வை மாநிலம் முழுவதும் அமைக்கப்பட்டுள்ள 4,113 மையங்களில் 9 லட்சத்து 13 ஆயிரத்து 036 பேர் எழுதுகின்றனர். இதில் 12,480 பள்ளிகளில் இருந்து 8 லட்சத்து 87 ஆயிரத்து 148 மாணவ, மாணவிகள், 25,888 தனித்தேர்வர்கள் மற்றும் 272 சிறைக் கைதிகள் அடங்குவர்.