சட்டவிரோதக் கட்டடங்களை கண்காணிப்பதற்கான குழு செயல்படுகிறதா?

தமிழகத்தில் சட்டவிரோதக் கட்டடங்களை கண்காணித்து நடவடிக்கை எடுக்க அரசின் சார்பில் அமைக்கப்பட்ட உயர்நிலைக் குழு செயல்படுகிறதா என சென்னை உயர்நீதிமன்ற மதுரை அமர்வு கேள்வி எழுப்பியது.

- 

மதுரை, ஜூன் 23:

திருச்சி மாவட்டத்தைச் சேர்ந்த டேனியல் சிமியோன் சுதன் தாக்கல் செய்த மனு:

ஸ்ரீரங்கம் புங்கனூரில் அனுமதி பெறாமல் நெல் அரைவை ஆலை கட்டப்பட்டுள்ளது. இதை அகற்ற உத்தரவிட வேண்டும் என அவர் கோரியிருந்தார்.

இந்த மனு நீதிபதிகள் எஸ்.எம். சுப்பிரமணியம், ஏ.டி.மரிய கிளாட் அமர்வு முன் திங்கள்கிழமை விசாரணைக்கு வந்தது.

அப்போது, நீதிபதிகள் பிறப்பித்த உத்தரவு:

நகர ஊரமைப்புச் சட்டப்படி அனுமதி பெற்றுதான் கட்டடங்கள் கட்ட வேண்டும். அனுமதி பெறாமல் கட்டடங்களை கட்டி விட்டு அதை முறைப்படுத்தக் கோருவதை ஏற்க முடியாது. அப்படி கேட்பதை உரிமையாகக் கோர முடியாது. சட்டவிரோதக் கட்டடங்கள் பொதுமக்களுக்கு ஆபத்தானவை. சுற்றுச்சூழலுக்கு பாதிப்பு ஏற்படுத்துபவை.

இதனால், சட்டவிரோதமாக கட்டடங்கள் கட்டுவோர் மீது கடும் நடவடிக்கை எடுக்க வேண்டும்.