சிறுபான்மையினரின் கோரிக்கைகளில் 60 சதவீதத்தை அரசு நிறைவேற்றியிருக்கிறது

தமிழ்நாடு சிறுபான்மையினர் ஆணையத்தின் சார்பில் அரசுக்கு அளிக்கப்பட்ட கோரிக்கைகளில் 60 சதவீதத்தை அரசு நிறைவேற்றியிருக்கிறது; எஞ்சியவற்றையும் நிகழாண்டில் நிறைவேற்றுவதாக முதல்வர் ஸ்டாலின் உறுதியளித்திருக்கிறார் என்றார் மாநில சிறுபான்மையினர் ஆணையத் தலைவர் சொ.ஜோ.அருண்.

- 

புதுக்கோட்டை, ஜூன் 20:

புதுக்கோட்டை மாவட்ட ஆட்சியரகத்தில் வெள்ளிக்கிழமை நடைபெற்ற சிறுபான்மையினர் நலத்திட்டங்களின் செயலாக்கம் குறித்த ஆய்வுக் கூட்டத்துக்குப் பிறகு செய்தியாளர்களிடம் அவர் கூறியதாவது: கடந்த 2024ஆம் ஆண்டு ஜூலை மாதத்தில் தொடங்கி, புதுக்கோட்டையில் இன்று வரை 23 மாவட்டங்களில் ஆய்வுக் கூட்டங்களை சிறுபான்மையினர் ஆணையம் முடித்திருக்கிறது. 649 கோரிக்கை மனுக்களில், 532 கோரிக்கை மனுக்களுக்கு அன்றைக்கே அதிகாரிகளுடன் இணைந்து தீர்வு கண்டிருக்கிறோம்.