'உயிர் பிழைத்ததை என்னால் நம்ப முடியவில்லை'

அகமதாபாத் விமான விபத்தில் காயங்களுடன் உயிர் பிழைத்த ஒரேயொரு பயணியான பிரிட்டனைச் சேர்ந்த விஷ்வாஸ் குமார் ரமேஷ் (45), தான் பிழைத்ததை இன்னும் நம்ப முடியவில்லை என்று அதிர்ச்சி விலகாமல் கூறினார்.

- 

அகமதாபாத், ஜூன் 13:

அகமதாபாத் விமான நிலையத்தில் இருந்து லண்டனுக்கு வியாழக்கிழமை புறப்பட்ட ஏர் இந்தியா விமான விபத்தில் 229 பயணிகள் உடல் கருகி உயிரிழந்தனர்.

விமான விபத்தில் சிக்கி உயிர் தப்பிய விஷ்வாஸ் குமார் ரமேஷ்விடம் நலம் விசாரித்த பிரதமர் மோடி.

இப்பெருந்துயருக்கு இடையே விஷ்வாஸ் குமார் ரமேஷ் என்ற ஒரேயொரு பயணி மட்டும் உயிர் பிழைத்த அதிசயம் நிகழ்ந்தது. மற்ற அனைவரும் அடையாளம் தெரியாமல் உருக்குலைந்த நிலையில், இடிபாடுகளில் இருந்து காயங்களுடன் எழுந்த ரமேஷ், ஆம்புலன்ஸை நோக்கி நடந்து வந்த காட்சிகள் பெரும் வியப்பை ஏற்படுத்தின.