2-ஆவது வெற்றி முனைப்பில் இந்தியா

டி20: தென்னாப்பிரிக்காவுடன் இன்று மோதல்

- 

இந்தியா - தென்னாப்பிரிக்கா மோதும் டி20 கிரிக்கெட் தொடரின் 2-ஆவது ஆட்டம், பஞ்சாப் மாநிலம் முலான்பூரில் வியாழக்கிழமை (டிச.11) நடைபெறுகிறது.

5 ஆட்டங்கள் கொண்ட இந்தத் தொடரில், முதல் ஆட்டத்தின் அபார வெற்றியுடன் இந்தியா முன்னிலையில் இருக்கிறது. அதை 2-0 என அதிகரிக்கும் முனைப்புடன் இந்தியாவும், முதல் வெற்றியைப் பதிவு செய்யும் முயற்சியுடன் தென்னாப்பிரிக்காவும் இந்த ஆட்டத்துக்கு வருகின்றன.

இந்திய அணியைப் பொருத்த வரை, ஹர்திக் பாண்டியா முதல் ஆட்டத்தில் அதிரடி பேட்டிங்கில் அணியைத் தூக்கி நிறுத்தி நல்ல ஃபார்மை காட்டியுள்ளார்.