நீர்வளம், நகராட்சி நிர்வாகத் துறை மீதான புகார்கள்: ஊழல் தடுப்புத் துறை விசாரணைக்கு தமிழக அரசு உத்தரவு

தமிழக அரசின் நீர்வளத் துறை, நகராட்சி நிர்வாகத் துறைகளில் பல கோடி ரூபாய் முறைகேடுகள் நிகழ்ந்துள்ளதாக அமலாக்கத் துறை அனுப்பியுள்ள கடிதங்களின் அடிப்படையில் ஊழல் தடுப்புத் துறை மற்றும் கண்காணிப்புப் பிரிவு விசாரணைக்கு தமிழக அரசு உத்தரவிட்டுள்ளதாகத் தகவல்கள் வெளியாகியுள்ளன.

- 

தமிழகத்தில் மணல் குவாரிகளில் அரசு நிர்ணயம் செய்த அளவைக்காட்டிலும் கூடுதலாக மணல் அள்ளப்பட்டு சட்டவிரோதமாக மணல் விற்பனை செய்வதாகவும், அதன்மூலம் கோடிக்கணக்கான ரூபாய் முறைகேடு செய்யப்பட்டுள்ளதாகவும் அமலாக்கத் துறை குற்றஞ்சாட்டியது.

இதைத் தொடர்ந்து, கடந்த 2024 -இல் தமிழகத்தின் காவிரி டெல்டா மாவட்டங்கள் உள்பட பல்வேறு மாவட்டங்களில் மணல் குவாரிகளில் அமலாக்கத் துறை அதிகாரிகள் சோதனை நடத்தினர்.