பாகிஸ்தான் முழுமையாகத் தோற்கடிக்கப்படும்

மத்திய அமைச்சர் புரி உறுதி

- 

சண்டீகர், ஏப். 27: 'நமது அண்டை நாடு (பாகிஸ்தான்) முழுமையாகத் தோற்கடிக்கப்படும்; அதன்பிறகு பயங்கரவாதிகளை அனுப்பி அப்பாவிகளைச் சுட்டுக் கொல்லும் இழிவான செயல்களில் ஈடுபடும் எண்ணம் அவர்களுக்கு மீண்டும் வராது' என்று மத்திய பெட்ரோலியத் துறை அமைச்சர் ஹர்தீப் சிங் புரி தெரிவித்தார்.

மொஹாலியில் ஞாயிற்றுக்கிழமை செய்தியாளர்களைச் சந்தித்த அவர் மேலும் கூறியதாவது: பயங்கரவாதத்தை தனது அரசின் முக்கியக் கொள்கையாக வைத்து பயன்படுத்தி வரும் நாடு பாகிஸ்தான். இந்தியாவுக்கு எதிராக பயங்கரவாதிகளை ஏவி விடுவது அவர்களின் வாடிக்கை.