ராமர் கோயில் நன்கொடை முறைகேடு: 8 பேர் கைது

அயோத்தி ராமர் கோயில் நன்கொடை முறைகேடு வழக்கில் வங்கி ஊழியர்கள் உள்பட 8 பேர் கைது செய்யப்பட்டனர். காணிக்கை எண்ணுதல் மற்றும் பிற மதிப்புமிக்க பொருள்களைக் கணக்கிடும் பணியில் தொடர்புடைய இவர்களிடம் இருந்து ரூ.79.85 லட்சம் இதுவரை பறிமுதல் செய்யப்பட்டுள்ளதாக, அதிகாரிகள் தெரிவித்தனர்.

- 

உத்தர பிரதேச மாநிலம், அயோத்தியில் பிரம்மாண்டமான ராமர் கோயில் கட்டப்பட்டு, ஏராளமான பக்தர்கள் தரிசனம் மேற்கொண்டு வருகின்றனர்.

கடந்த ஆண்டு ஜனவரி-பிப்ரவரி மாதங்களில் நடைபெற்ற பிரயாக்ராஜ் கும்பமேளாவின்போது ராமர் கோயிலில் தினமும் 10 லட்சத்துக்கும் மேற்பட்ட பக்தர்கள் வழிபட்டனர். அப்போது, பக்தர்களால் வழங்கப்பட்ட தங்கம், வெள்ளி, பணம் உள்ளிட்ட காணிக்கைகள் மற்றும் நன்கொடைகளில் முறைகேடு நடைபெற்றதாகக் குற்றச்சாட்டு எழுந்தது. குறிப்பாக, சமாஜவாதி தலைவர் அகிலேஷ் யாதவ், கடந்த ஜூன் 7-ஆம் தேதி இந்த விவகாரத்தை எழுப்பிய பிறகு பூதாகரமானது.