பெண்காக் சிலாட்: தமிழகத்துக்கு 2-ஆவது பதக்கம்

கேலோ இந்தியா கடற்கரை விளையாட்டுப் போட்டிகளில் (பீச் கேம்ஸ்) பெண்காக் சிலாட் பிரிவில் தமிழக ஆடவர் அணி புதன்கிழமை வெள்ளிப் பதக்கம் வென்றது.

- 

ஏற்கெனவே இந்த விளையாட்டில் தமிழகத்துக்கு வெண்கலம் கிடைத்த நிலையில், இந்தப் பிரிவிலும் ஒட்டுமொத்த போட்டியிலுமாக தமிழகத்துக்கு இது 2-ஆவது பதக்கமாகும்.

கேலோ இந்தியா பீச் கேம்ஸின் 2-ஆம் ஆண்டு விளையாட்டுப் போட்டிகள், டையு நகரில் நடைபெற்று வருகிறது. போட்டியின் 3-ஆம் நாளான புதன்கிழமை தமிழக போட்டியாளர்கள் பீச் பெனாக் சிலாட், பீச் வாலிபால் ஆகியவற்றில் சிறப்பாக செயல்பட்டனர்.

தற்காப்புக் கலை வகையைச் சேர்ந்த பென்காக் சிலாட்டில் சீனியர் ஆடவருக்கான கண்டா பிரிவில் தமிழகத்தின் செல்வகுமார், போஸ் ராஜா குரு ஆகிய இருவர் அடங்கிய அணி 476 புள்ளிகளுடன் வெள்ளிப் பதக்கம் பெற்றது.

பதக்கம் வென்ற செல்வகுமார் பேசுகையில், 2017-இல் இந்த விளையாட்டு எனக்கு அறிமுகமானது. கடந்த ஆண்டு ஜம்மு காஷ்மீரில் நடைபெற்ற அகில இந்திய பென்காக் சிலாட் சாம்பியன்ஷிப்பில் வெண்கலப் பதக்கம் வென்றேன்.