நிகழாண்டில் 7-ஆவது முறையாக நிரம்பியது மேட்டூர் அணை

மேட்டூர் அணை நிகழாண்டு 7 ஆவது முறையாக திங்கள்கிழமை முழுக் கொள்ளளவை எட்டியது. அணைக்கு நீர் வரத்து விநாடிக்கு 35,500 கன அடியாக உள்ளதால் 40 நாள்களுக்குப் பிறகு உபரிநீர்ப்போக்கிகள் வழியாக 22,300 கனஅடி தண்ணீர் வெளியேற்றப்படுகிறது.

- 

மேட்டூர் அணையின் 16 கண் மதகுகள் வழியாக காவிரியில் திறந்துவிடப்பட்ட தண்ணீர்.

கர்நாடக காவிரி நீர்ப்பிடிப்புப் பகுதிகளிலும், காவிரியின் துணை ஆறுகளான பாலாறு, சின்னாறு, தொப்பையாறு நீர்ப்பிடிப்புப் பகுதிகளிலும் தொடர்ந்து மழை பெய்து வருவதால் மேட்டூர் அணைக்கு நீர்வரத்து திங்கள்கிழமை 30,500 கன அடியாக அதிகரித்தது.