குவாஹாட்டியில் ரூ.555 கோடியில் புதிய ஐஐஎம்

நாடாளுமன்றத்தில் மசோதா நிறைவேற்றம்

- 

புது தில்லி, ஆக. 20: அஸ்ஸாம் மாநிலம் குவாஹாட்டியில், நாட்டின் 22-ஆவது இந்திய மேலாண்மைக் கல்வி நிறுவனம் (ஐஐஎம்) ரூ.555 கோடியில் அமைக்கப்பட உள்ளது.

இதற்கான ஐஐஎம் சட்டத்திருத்த மசோதா 2025, மக்களவையில் ஏற்கெனவே நிறைவேற்றப்பட்டுள்ள நிலையில், மாநிலங்களவையிலும் புதன்கிழமை குரல் வாக்கெடுப்பு மூலம் நிறைவேறியது.

அடுத்த ஆண்டு தொடக்கத்தில் அஸ்ஸாமில் பேரவைத் தேர்தல் வரவிருப்பதால், இந்த அறிவிப்பு முக்கியத்துவம் வாய்ந்ததாகக் கருதப்படுகிறது.

மசோதா மீதான விவாதத்தில் பேசிய அமைச்சர் தர்மேந்தர் பிரதான் கூறுகையில், 'குவாஹாட்டி ஐஐஎம் தற்காலிக வளாகத்தில் நடப்பு கல்வியாண்டு முதலே மாணவர் சேர்க்கையைத் தொடங்கும். ரூ.555 கோடி முதலீட்டில் அமையவுள்ள இந்த நிறுவனம், இந்தியாவை உலகின் மூன்றாவது பெரிய பொருளாதார நாடாக மாற்றப் பங்களிக்கும்.