வலுவான இந்தியாவை உருவாக்குவோம்.

சர்தார் படேல் பிறந்த தினத்தில் குடியரசுத் தலைவர் அழைப்பு

- 

'வலுவான, இணக்கமான, சிறந்த இந்தியாவை உருவாக்க அனைவரும் உறுதியேற்போம்' என்று சர்தார் வல்லபபாய் படேல் 150-ஆவது பிறந்த தினத்தில் குடியரசுத் தலைவர் திரௌபதி முர்மு நாட்டுமக்களுக்கு அழைப்பு விடுத்தார்.

இதுகுறித்து தனது எக்ஸ் பக்கத்தில் அவர் வெளியிட்ட வாழ்த்துப் பதிவில் கூறியிருப்பதாவது: சர்தார் படேல் மிகப்பெரிய தேசபக்தர். தேசத்தைக் கட்டமைத்த தொலைநோக்கு பார்வை கொண்ட தலைவர். சுதந்திரத்துக்குப் பிறகு நாட்டை ஒன்றிணைக்கும் வரலாற்றுச் சிறப்புமிக்க இலக்கில் முக்கிய பங்காற்றியவர். அவரின் அர்ப்பணிப்பும், தேசத்துக்கு சேவையாற்றுவதில் இருந்த ஈடுபாடும் நாம் அனைவருக்கும் உத் வேகமளிக்கின்றன.