வெளிநாட்டுப் பயண விவரங்களை ராகுல் தெரிவிக்க வேண்டும் - மத்திய அமைச்சர் கிரண் ரிஜிஜூ எச்சரிக்கை

'சட்ட மீறலுக்கான நடவடிக்கை மேற்கொள்ளப்படுவதைத் தவிர்க்க, தனது வெளிநாட்டுப் பயணங்கள் குறித்த விவரங்களை சம்பந்தப்பட்ட அதிகாரிகளிடம் எதிர்க்கட்சித் தலைவர் ராகுல் காந்தி தெரிவிக்க வேண்டும்' என்று நாடாளுமன்ற விவகாரத் துறை அமைச்சர் கிரண் ரிஜிஜூ வெள்ளிக்கிழமை எச்சரிக்கை விடுத்தார்.

- 

'ராகுல் காந்தியின் வாய்க்கும், அவரின் வெளிநாட்டுப் பயணங்களுக்காகச் செலவிடும் தொகைக்கும் இடையே பொருத்தமின்மை உள்ளது. எனவே, அவர் தனது வெளிநாட்டுப் பயணங்களுக்கான நிதி ஆதாரத்தை வெளியிட வேண்டும்' என்று பாஜக தரப்பில் வியாழக்கிழமை வலியுறுத்தப்பட்ட நிலையில், இந்த எச்சரிக்கையை மத்திய அமைச்சர் விடுத்தார்.