சட்ட மாணவர்கள் அனைத்து நுணுக்கங்களையும் கற்க வேண்டும்

உச்சநீதிமன்ற நீதிபதி அரங்க. மகாதேவன்

- 

கும்பகோணம், ஜூலை 27: சட்டம் பயிலும் மாணவர்கள் அனைத்து நுணுக்கங்களையும் கற்க வேண்டும் என்றார் உச்சநீதிமன்ற நீதிபதி அரங்க. மகாதேவன்.

தஞ்சாவூர் அருகே செங்கிப்பட்டியில் ஆனந்தம் சட்டக் கல்லூரி திறப்பு விழா ஞாயிற்றுக்கிழமை நடைபெற்றது. இவ்விழாவில் கலந்து கொண்ட உச்சநீதிமன்ற நீதிபதி மகாதேவன் மேலும் பேசியதாவது: மூவாயிரம் ஆண்டுகளுக்கு முன்பே தமிழகத்தில் சட்டம் சார்ந்த சிந்தனை இருந்திருக்கிறது. சிலப்பதிகாரம், மதுரைக்காஞ்சி ஆகியவற்றில் சட்டம் சார்ந்த வரையறைகள், சமுதாயப் பிளவுகளை எவ்வாறு சரி செய்யலாம் என்ற குறிப்புகள் உள்ளன.