SANG IS MEER AS NET VERMAAK

VANUIT die pragtige wingerdlande van Worcester het 'n nederige vrou met 'n buitengewone stem haar weg gevind na die gewilde televisieprogram Koortjies en die harte van duisende mense geraak deur haar passie vir gospelmusiek.

- 

GELOWIG: Barenice sê haar verhouding met God is die belangrikste ding in haar lewe. FOTO'S VERSKAF

Barenice Wildskut beskryf haarself as 'n eenvoudige vrou met 'n groot liefde vir God, haar gesin en mense.

Sy vertel haar reis as gospelsanger het begin toe sy slegs 11 jaar oud was en haar eerste liedjie in die kerk gesing het.

“My ma sê altyd ek moet nooit vergeet om God te verheerlik deur my sang en Hom die eer te gee nie, want Hy is die Gewer van die Gawes,” vertel Barenice. Dié woorde beskou sy as 'n beginsel wat haar lei.

As gospelsanger het sy vinnig uitgestaan in haar plaaslike kerkgemeenskap. Haar natuurlike talent en toewyding aan haar geloof is wat mense na haar trek.

Sy beskryf haar eerste optrede op 11-jarige ouderdom as 'n baie spesiale oomblik wat ek nooit sal vergeet nie. Daar het ek besef dat God my hierdie gawe gegee het om Hom te dien deur musiek en sang.

Volgens haar was een van haar eerste groot deurbrake toe sy Valley FM se sangkompetisie gewen het. Dit het vir haar as jong kunstenaar deure oopgemaak.

“Dit was 'n groot blydskap om van my eie liedere wat ek geskryf het, op te neem,” vertel sy.