CAPE FLATS-STRATE TOE SOKKERVELDE

DIE eerste "Taking Back Our Streets"-veldtog, wat deur Safa Cape Town en talle ander gemeenskapsorganisasies geloods is, was volgens Bennett Bailey, president van Safa CT, Saterdag 'n reuse-sukses.

- 

"Die turnout in al ons communities was selfs beter as wat ons verwag het. Die boodskap was dat ons die strate wou terugneem, maar wat ons eintlik wou hê, was vir ons communities om saam te kom en weer soos in die verlede, as 'n eenheid mekaar te ondersteun," het Bailey gesê.

Die Safa-grootbaas sê dié gebeure Saterdag het hom weer in die mensdom laat glo.

"Ons gemeenskappe het weer ons lewens teruggeneem. Ons het gewys dat ons oor die vermoëns beskik om saam te staan, ons verskille te bêre en saam te streef na beter gemeenskappe," het Bailey gesê.