MEER AS NET JOSHLIN

Verhoogstuk laat mens bietjie dieper delf

- 

Rehane Abrahams lewer 'n roerende performance in Joshlin: Meer as 'n Naam.

(NATALIE GABRIELS)

'N AANGRYPENDE produksie wat die stemme van die kwesbaarstes in ons samelewing ons kinders na die verhoog bring.

Een wat jou ná die tyd laat stil sit en dink.

Dit is hoe 'n mens die produksie Joshlin: Meer as 'n Naam kan beskryf. Die verhoogstuk, met Rehane Abrahams, Adri-Jo Waterboer en sewe uitblinkers van vanjaar se Proscenium-dramakompetisie, was die laaste paar dae te sien op die 25ste Woordfees in Stellenbosch.

Die dramaturg Herschelle Benjamin vertel toe hy die opdrag gekry het dat hy 'n stuk oor Joshlin moet skryf, was hy eers oorweldig en skrikkerig, maar reg vir die uitdaging.

Die Joshlin Smith-saak het opslae gemaak nadat die sesjarige meisie in Februarie 2024 spoorloos uit haar geboortedorp, Saldanhabaai, verdwyn het.