Julia worry oor Roland in tronk, nié Owen in ICU

Terwyl Georgina pleit vir Owen se lewe in die hospitaal, kuier Julia eerder by Roland in die gevangenis.

- 

Sy dra vir hom skoon klere, leesmateriaal en eetgoed aan.

"Roland, ek's so jammer oor hierdie gemors. Jy verdien nie om hier te wees nie. Owen het jou uitgelok. Ek het dit ook so in my verklaring genoem. Enigeen wat in jou posisie was, sou so opgetree het," sê Julia.

"Gaan na jou man toe. Hy't jou nou nodiger. Buitendien, hoe gaan dit nou met hom? Gaan hy darem okay wees?" wil Roland weet.

"Ek het geen idee. Ek weet nie," sê Julia.

"Wat bedoel jy jy weet nie? Gaan hy dit darem maak? Jy koek heeltyd hier om my, maar het nie 'n clue hoe dit met jou man gaan nie. Unbelievable! Gaan sien hom!" beveel Roland haar.

"Moet my nie verkeerd verstaan nie, Owen sal fine wees. Ek weet dit. Hy's a fighter. Ek, 'm ... Ek's eintlik meer geworried oor jou.

"Jy ... Jy lyk nie baie goed nie. Is daar enigiets wat ek nog vir jou kan doen?" wil Julia desperaat weet.

"Nee ... gaan kyk eerder hoe dit met jou man gaan. Ek sal manage," sê Roland. Sonder om Julia te groet, staan hy op uit die stoel en vra die guard om hom terug te neem selle toe.

Sonder om eens 'n draai by haar man in die hospitaal te maak, besluit Julia om eerder reguit huis toe te gaan. Toe sy by die huis ingaan, stap sy reguit na die drankkabinet en gooi vir haarself twee stywe doppe brandewyn.

Net toe sy nóg een wil skink, lui haar selfoon. Dis Georgina. Julia lyk vererg, maar besluit om die call te vat.