DIE OLIPHANT SOEK JY IN THE ROOM

VIR die 30-jarige Melowcine Oliphant is musiek meer as net 'n passie - dis 'n roeping, diep in haar geloof gewortel.

- KHIRSTEN BOOYS

As senior pastor van Healing Waters Gospel Assembly in Port Elizabeth saam met haar man, Jade, en as ma van 'n driejarige seun, wys sy dat geloof, familie en musiek hand aan hand kan gaan.

Melowcine, wat haar lewe lank in die Oos-Kaap woon, het haar musiekloopbaan op die jong ouderdom van nege begin toe sy die eerste keer in haar familie se kerk gesing het.

Die Oliphant-familie se musiekwortels loop diep.

"My hele familie is musikante en dit het alles by my pa begin. Ek was nie soos ander kinders musikaal nie, maar my pa het my altyd die geleentheid gegee om my liefde vir sing te beoefen."

As iemand wat in 'n geestelike huis grootgeword het (met ouers as leiers in die kerk), sê Melowcine dit is al wat sy ken.

"Dis die rede hoekom ek net gospel-musiek doen. Ek voel my stem is so gepas daarvoor."

Leierskap