YIBOKKE LENA, YIBOKKE LE ...

RASSIE Erasmus se skuif na 'n meer tradisionele plaasvervangerbank-opsie weerspieël 'n geloof in sy agtersowel as voorspelers se vermoëns om as 'n eenheid die Springbokke se spel nóg gevaarliker en onvoorspelbaar te maak.

- 

Die Springbok-coach het duidelik sy hand gewys deur vir die voorlaaste wedstryd in die Rugby Championship teen Argentinië, Saterdag in Durban, vir die vierde agtereenvolgende wedstryd, 'n 5-3-split op die bench te kies.

Dit wil voorkom of Erasmus sy getoetste 7-1-split, beter bekend as die "Bomb Squad", vir eers in die koelkas gebêre het.

In sy plek kom groter vertroue in die agterlyn, met sterre soos Cheslin Kolbe, Damian Willemse, Canan Moodie, Damian de Allende, die jong Ethan Hooker, Sacha Feinberg-Mngomezulu en Manie Libbok, waarom dit blyk Erasmus se planne draai.

As bewys van sy nuwe strategie het hy net twee veranderings aan sy beginspan gemaak, met Willemse wat na heelagter skuif. Hy het in die seëvierende toets teen die All Blacks op senter begin.