MA VERWYT HAAR OOR SEUN SE DOOD

Sy glo hy kon nog geleef het as sy hom nie aan die polisie oorhandig het nie

- ANELE MFAZWE

'N MA van Manenberg sit nou met spyt en verdriet nadat sy haar seun aan die polisie oorhandig het en hy later in aanhouding gesterf het.

Samantha Somanje (44) sê sy en die res van haar familie het 'n klomp onbeantwoorde vrae rakende die dood van haar aangenome kind, Lowellyn "Boetatjie" Jantjies.

Dié 22-jarige Boetatjie is die afgelope naweek uit die Pinkster Protestante Kerk (PPK) in Manenberg begrawe.

Volgens Somanje is Boetatjie vroeg laas maand gearresteer vir aanranding nadat hy met 'n jong vrou in sy woonbuurt in 'n fight was.

Somanje sê sy was nie die betrokke dag by die huis nie, maar die vrou het 'n saak teen Boetatjie aanhangig gemaak en die polisie het hom later kom soek.

Arrestasie

"Toe die polisie hom kom soek, was hy nie by die huis nie. Toe hy by die huis kom, het ek hom na die Manenberg-polisiestasie geneem.