Edison besef toe skielik sy Facebook profile is ge-hack

Edison teenoor sy vrou.

- 

Edison begin dan uitpak. Hy vertel Maya van die onverwagte soen by die birthday-paartie, hoe sy hom by die kerk uitge-check het, die verleidelike kyke wat sy hom heelaand by haar verjaardagete gegee het, die WhatsApp waarin sy nét hom bedank vir die blomme en haar opmerking dat hy haar smaak ken en hom "Skat" noem.

Dan pak Edison uit oor die inbrekers wat Angela in haar huis aangeval het en van die doodsdreigemente. Edison vertel haar daar's iets fishy omtrent die storie.

Hy vertel ook dat hy op Angela se versoek daar oorgeslaap het oor sy glo bang was. Hy maak dit terselfdertyd duidelik dat niks tussen hom en Angela gebeur het nie.

"Dis weird,” sê Maya kortaf.

“Weird? Maya, iets is nie lekker nie. Sy wou nie hê dat ek die polisie en ambulans bel nie en sy wou nie haar ouers betrek nie. Daar is ook niks uit haar huis gesteel nie,” sê Edison.

“Wat vermoed jy?” vra Maya.

“Angela steek iets weg. Kon sy dalk alles opgemaak het? Ek weet dis far-fetched, maar ek kan nie die gevoel afskud nie,” sê Edison.

DIE next oggend is Angela in 'n happy mood. Sy sing en doen so op haar manier allerhande balletdansies en loer af en toe by die venster uit om te sien wanneer Edison se kar optrek.

Tien minute later trek 'n kar in haar driveway op. Geklee in amper next to nothing trippel Angela tot by die voordeur. Dit moet Edison wees, dink sy giggelend.