GESTRY OOR SY KAR NOU WOES

Godsman sweer hoog en laag hy het nie beloved se tjor gesteel

- KHIRSTEN BOOYS

Só sê Eugene van Wyk, 'n pastoor van die noordelike voorstede in Kaapstad wat van motordiefstal beskuldig word.

Denver Vallentyn (47) beweer Van Wyk het sy kar in Grabouw geleen om vleis, wors en verversings by Shoprite in die dorp te gaan koop.

Volgens Vallentyn het dié pastoor toe nie teruggekeer met die kar nie.

“Ek en die Godsman ken nie eintlik mekaar nie, maar het hom op 12 Mei deur 'n dame van Hermanus ontmoet.

“Ek het hom 'n lift van die taxi rank af gegee,” vertel Vallentyn.

Volgens hom het Van Wyk 'n week in Hermanus gekuier. Vir dié week was hy glo Van Wyk se driver.

“Ek het hom rondgery in Hermanus.”

Van Wyk beaam dat Vallentyn hom in die kusdorpie rondgekarwei het.

Volgens Vallentyn het Van Wyk hom gevra om hom op Vrydag 16 Mei Grabouw toe te neem.

Daar het hulle lekker gekuier tot Van Wyk nog vleis wou kry vir dié kuier.

“Ek het klaar 'n biertjie ingehad en wou nie ry nie. Ek het my kar se sleutels vir Eugene gegee. Ek het hom vertrou, want hy is 'n pastoor.”