காவிரி படுகை குறுவை சாகுபடிக்கு ...

1-ம் பக்கம் தொடர்ச்சி

- 

பெஸ்ட்-ஆக ஏற்பாடு செய்திருக்கிறார்! நம்முடைய கோவி. செழியன் அவர்களை பற்றி சொல்லவேண்டும் என்றால், சட்டக் கல்லூரி மாணவராக கழக மேடைகளில் தன்னுடைய பயணத்தை தொடங்கி, தன்னுடைய உழைப்பால் கொள்கைப் பற்றால், தொண்டாற்றும் உள்ளத்தால் உழைத்து இன்றைக்கு, அமைச்சராக உயர்ந்து நிற்கிறார்! அவர் இன்னும் சிறப்படைய என்னுடைய பாராட்டுகள்! வாழ்த்துகள்!

அதேபோல், மாவட்ட ஆட்சியர் திருமதி பிரியங்கா பங்கஜம் ஐ . ஏ. எஸ் அவர்களுக்கும் என்னுடைய பாராட்டுகள் ! கஷ்டப்பட்டு படித்து முன்னேறி, இன்று சிறப்பாக செயல்படும் மாவட்ட ஆட்சியர்களில் ஒருவராக தன்னுடைய பெயருக்கு பின்னால், தன் அம்மாவின் பெயரை சேர்த்து, அவரையும் பெருமைப்படுத்துபவராக இருக்கிறார்! மாவட்ட ஆட்சியருக்கும் அவருக்கு துணை நிற்கும் மாவட்ட அரசு அலுவலர்களுக்கும் எனது பாராட்டுகள்! வாழ்த்துகள்!

நேற்று, தஞ்சையில் பழைய பேருந்து நிலையத்தின் அருகில், தலைவர் கலைஞரின் சிலையைத் திறந்து வைத்தேன்! ஏன் என்றால், தஞ்சையையும் தலைவர் கலைஞரையும் பிரித்து பார்க்க முடியாது! ஒருங்கிணைந்த தஞ்சையின் மண்ணின் மைந்தன் அவர்! காவிரி வளர்த்த தமிழினத் தலைவர் அவர்! மாமன்னர் இராசராசனுக்கு சிலை அமைத்தவர் அவர்! பெரியகோயிலின் ஆயிரமாண்டு விழாவை நடத்தியவர் அவர்! பொதுப்பணித்துறை அமைச்சராக இருந்தது முதல், இறுதியில் காவேரி மருத்துவமனையில் உயிர் பிரியும்வரை காவிரிப் பிரச்சினையில் தமிழ்நாட்டின் உரிமைக்காக குரல்கொடுத்தவர்! போராடியவர்! பிரதமர் வி.பி. சிங் மூலம், காவிரி நடுவர் மன்றமும் காவிரி ஆணையமும் அமையக் காரணமானவர்! இடைக்காலத் தீர்ப்பை பெற்றுத் தந்தவர் ! இறுதித் தீர்ப்பையும் பெற்றவர்!

பெருமையோடு சொல்கிறேன் ... காவிரியில், தமிழ்நாட்டின் உரிமையை நிலைநாட்டியது தலைவர் கலைஞர் அவர்களும், திராவிட முன்னேற்றக் கழகமும்தான்! அந்த வரிசையில்தான், தலைவர் கலைஞரின் தலைமைத் தொண்டனான நானும், டெல்டாகாரன் என்ற உணர்வோடு இன்றைக்கு இங்கு வந்திருக்கிறேன்!