మూడు రెట్ల వేగంతో..

మూడో టర్మ్ అభివృద్ధి దిశగా...

- 

• ప్రపంచంలో మూడో ఆర్థికశక్తిగా భారత్

• సామాజిక, ఆర్థిక, రాజకీయ సుస్థిరతతో ఆదర్శం

• వికసిత భారత్ నిర్మాణమే ప్రభుత్వ లక్ష్యం

బడ్జెట్లో రైతులు, మహిళలు, పేదలు, యువతకు ప్రాధాన్యం

• స్వయంసమృద్ధి, స్వావలంబన దిశగా దేశం పురోగతి

• 370 ఆర్టికల్ రద్దుతో కాశ్మీర్లో ప్రశాంత పరిస్థితులు

• 25 కోట్ల మందిని దారిద్య్ర్యం నుంచి బయటకు తీసుకొచ్చాం

• 3 కోట్ల మంది పేదలకు ఇల్లు నిర్మించబోతున్నాం

• కృత్రిమ మేధ రంగంలో 'భారత ఏఐ మిషన్'

• ప్రయాగ్జ్ తొక్కిసలాట ఘటన విచారకరం

• పార్లమెంట్ ఉభయసభలను ఉద్దేశించి రాష్ట్రపతి ముర్ము ప్రసంగం

న్యూఢిల్లీ 31,జనవరి(ఆదాబ్ హైదరాబాద్: సామాజిక, ఆర్థిక, రాజకీయ సుస్థిరతలో ఈ ప్రపంచానికి భారత్ ఆదర్శంగా నిలిచిందని, మన ముందున్న ఏకైక లక్ష్యం.. 'వికసిత్ భారత్' నిర్మాణమే.. అని రాష్ట్రపతి ద్రౌపది ముర్ము అన్నారు. ప్రపంచంలోనే భారతన్ను మూడో ఆర్థిక శక్తిగా నిలపనున్నట్లు రాష్ట్రపతి ద్రౌపది ముర్ము తెలిపారు. దేశాభివృద్ధి ఫలాలు అందరికీ అందాలన్నదే తమ ఉద్దేశమని చెప్పారు. పార్లమెంట్ బడ్జెట్ సమావేశాలు ప్రారంభం సందర్భంగా ఉభయసభలను ఉద్దేశించి రాష్ట్రపతి ముర్ము ప్రసంగించారు. భారత సామాజిక చేతనకు మహాకుంభమేళా నిదర్శంగా నిలుస్తోందన్నారు. దేశాభివృద్ధి కోసం వేగంగా నిర్ణయాలు తీసుకుంటున్నట్లు చెప్పారు. తమ ప్రభుత్వ మూడో టర్మ్ మూడు రెట్ల వేగంతో అభివృద్ధి సాగుతోందని రాష్ట్రపతి తెలిపారు. ఆరంభంలో ప్రయాగ్జ్లోని మహా కుంభమేళాలో జరిగిన తొక్కిసలాట ఘటనపై రాష్ట్రపతి విచారం వ్యక్తం చేశారు. బాధిత కుటుంబాలకు సంతాపం ప్రకటించారు. ఇటీవలే తుదిశ్వాస విడిచిన మాజీ ప్రధాని మన్మోహన్ సింగ్కు శ్రద్ధాంజలి ఘటించారు. 'మహా కుంభమేళా జరుగుతున్న సమయంలో పార్లమెంట్ సమావేశాలు ప్రారంభించుకుంటున్నాం. ఇటీవల గణతంత్ర వేడుకలను ఘనంగా నిర్వహించుకున్నాం' అని రాష్ట్రపతి హర్షం వ్యక్తంచేశారు. బడ్జెట్ లో రైతులు, మహిళలు, పేదలు, యువతకు ప్రాధాన్యం ఉంటుందని ఆమె తెలిపారు.