ప్రభుత్వ ఆదాయానికి కోట్లలో గండికొట్టిన గూడెం బ్రదర్స్

• మైనింగ్ మాఫియా ముష్కరులుగా తేటతెల్లం • లడ్డారం గ్రామంలో అనుమతులు లేకుండానే అడ్డగోలుగా మైనింగ్ తవ్వకాలు

- 

• ఏడాది క్రితమే మైనింగ్ తవ్వకాల నిలుపుదలకు ఆదేశాలు..

• బీఆర్ఎస్ ప్రభుత్వంలో ఏమి చేయలేక పోయిన మైనింగ్ అధికారులు..

• ఆర్డీవో రవీందర్ రెడ్డి సమక్షంలో అక్రమాలకు కళ్లెం.. అక్రమ మైన్స్ సీజ్..

• కస్టడీలోకి తీసుకోకపోవడంపై సర్వత్రా అనుమానాలు..

• అక్రమ మైనింగ్ తవ్వకాలపై ఈడి, విజిలెన్స్, సీబీఐ, ఆదాయపు పన్ను శాఖ దృష్టి సారించాలని పలువురి డిమాండ్..

• సంతోష్ శాండ్ మైన్స్ అధినేతలకి ఇక చిప్పకూడే : స్థానికులు

• పటాన్ చెరువు ఎమ్మెల్యే గూడెం మహిపాల్ రెడ్డి అక్రమాల చిట్టా విప్పితే విస్తుత పోయే నిజాలు బట్ట బయలు..!

హైదరాబాద్ 06 ఫిబ్రవరి (ఆదాబ్ హైదరాబాద్) : చేసిన పాపాలు ఊరకే పోవు.. వంద తప్పులు చేసిన శిశుపాలుడు తల నరికిన శ్రీకృష్ణుడి కథ రిపీట్ కానుంది.. కానీ ఇక్కడ శ్రీకృష్ణుడి పాత్ర సీఎం రేవంత్ రెడ్డి పోషిస్తారా..? లేదా..? అన్నది తేలాల్సి ఉంది.. అధికారాన్ని అడ్డుపెట్టుకుని అడ్డగోలు అక్రమాలు చేసిన ఒక ప్రజా ప్రతినిధికి అరదండాలు వేసే రోజులు దగ్గర పడ్డాయా..? లేక ఎప్పటిలాగే కథ కంచికి చేరుతుందా..? ఒక ప్రజాప్రతినిధి కలియుగ శిశుపాలుడిగా చరిత్రలో నిలిచిపోయే తరుణం ఆసన్నమైందా..? అయినా ప్రకృతి ఎంతో కాలం క్షమించదు.. అరాచకాలకు కూడా హద్దుంటుంది.. హద్దు మీరిన ఒక ప్రజాప్రతినిధి నీచ చరిత్ర.. ఇప్పుడు బట్టబయలయ్యింది..