మా కళాశాల... ఒక ఓపెన్ చెరసాల....

నేను 1983 లో ఏపీ గురుకుల జూనియర్ కళాశాల, నాగార్జున సాగర్ లో సీటు దొరికింది అని తెలిసిన వెంటనే ఇదే ఫీల్ అయ్యాను.

- డా.డి.వి.జి. శంకరరావు, మాజీ ఎంపీ.

నేను 1983 లో ఏపీ గురుకుల జూనియర్ కళాశాల, నాగార్జున సాగర్ లో సీటు దొరికింది అని తెలిసిన వెంటనే ఇదే ఫీల్ అయ్యాను. రాష్ట్రంలో అప్పటికి అదొక్కటే ఆ తరహా కళాశాల. రాష్ట్ర స్థాయి ర్యాంకుల్లో ఎప్పుడూ నెంబర్ వన్. అందువల్ల ఒక వైపు ఆనందం. ఇంకోవైపు కించిత్ గర్వం.. అందరి అభినందనలు అందుకుంటూ ఉ ద్వేగం.. లైఫ్ సెటిల్ అయిపోతుందని ధైర్యం. స్కూల్ లో విన్నంత మేరకు, ర్యాగింగ్ ఉంటుందేమోనని.. సందేహం. వెరసి నవరసాలతో ఆ మూల ఉత్తరాంధ్రలోని మారుమూల పల్లె సాలూరు నుండి పల్నాడు చివర నాగార్జున సాగర్ కి పయనం సాగింది. అంతవరకూ తాడికొండ గురుకుల పాఠశాల లో గడిపిన మూడేళ్ల రోజుల్ని సెంట్రల్ జైలు గా భావించిన నేను,' ఇంతకు మించి ఏముంటుంది లే, బహుశా ఓపెన్ జైలు లా ఉ ండొచ్చ' ని అనుకుంటూ కాలేజీలో అడుగుపెట్టాను. అంతదాకా, అంటే స్కూల్ లో, మిత్రులతో బాగానే కలిసిపోయినా, అక్కడి క్రమశిక్షణ, జీవితంలో మొదటిసారి ఇంటికి చాలా దూరంలో ఉండాల్సిరావడం, ఊరి బడిలో ఆముదం వృక్షం లా బతికి, ఇక్కడ మామూలు మొక్కయిపోవడం కొంచెం ఇబ్బందిగా ఉండేది. నిరంతరం హెూమ్ సిక్ నెస్ పీడిస్తుండేది. ఉన్నంతలోనే అల్లరి, ఉ పశమనం వెతుక్కొనేది.