ఆరోగ్య వ్యవస్థపై డ్రగ్స్ మాఫియా ముప్పు

ప్రపంచంలోనే అతిపెద్ద ఔషధ ఉత్పత్తిదారులలో భారతదేశం ఒకటి.

- డాక్టర్. కోలాహలం రామ్ కిశోర్. 9849328496.

ప్రపంచంలోనే అతిపెద్ద ఔషధ ఉత్పత్తిదారులలో భారతదేశం ఒకటి. సుమారు 50 బిలియన్ డాలర్ల విలువగల భారత ఔషధ పరిశ్రమ అనేక దేశాలకు జనరిక్ మందులు, టీకాలు సరఫరా చేస్తోంది. కానీ ఈ ఘనత వెనుక ఒక భయానక వాస్తవం కూడా దాగి ఉంది. నకిలీ మందుల అమ్మకాలు పెరిగాయి, డ్రగ్స్ కంట్రోల్ సంస్థల అవినీతికి అంతం లేదు. ఈ డ్రగ్స్ మాఫియాను నియంత్రణలలో ప్రభుత్వ వైఫల్యం లాంటి అంశాలు దేశ ప్రజల ప్రాణాలను ప్రమాదంలోకి నెట్టుతున్నాయి. ఇది ఒక రకంగా భారత ఆరోగ్య వ్యవస్థకే శాపంగా మారు తోంది. 2025 మార్చి నాటికి నేషనల్ ఫార్మాస్యూటికల్ ప్రైసింగ్ అథారిటీ (ఎన్.పీ.పీ.పీ.) మొత్తం 307 మందుల ధరల ఉ ల్లంఘనల కేసులను నమోదు చేసింది. ఔషధ ధరల నియంత్రణ చట్టం %% 2013 ప్రకారం, నియంత్రణలో లేని మందులకు సంవత్సరానికి 10 శాతం కంటే ఎక్కువ ధర పెంచకూడదు.