HAPPY JOURNEY WITH KIDS

ചെറിയ കുട്ടികൾക്കൊപ്പം കുടുംബസമേതമുള്ള യാത്രകൾ തലവേദനയാകാറുണ്ടോ? കുട്ടികളുമായി അടിപൊളി യാത്രകൾ നടത്താൻ ശ്രദ്ധിക്കേണ്ട കാര്യങ്ങളിതാ...

- 

യാത്രകൾ ഇഷ്ടപ്പെടാത്തവർ കുറവാണ്. എന്നാൽ, ചെറിയ കുട്ടികളുള്ള കുടുംബങ്ങൾക്ക് പലപ്പോഴും യാത്രകൾ ബുദ്ധിമുട്ടാകാറുണ്ട്. കുഞ്ഞിന്റെ വഴക്കും കരച്ചിലുമൊക്കെയാണ് കാരണം. എന്നാൽ, കൊതിച്ച യാത്രകൾ കുഞ്ഞിന്റെ പേരുപറഞ്ഞ് മാറ്റിവെക്കാൻ വരട്ടെ. ചില കാര്യങ്ങൾ ശ്രദ്ധിച്ചാൽ കുട്ടികളുമായി അടിപൊളി യാത്രകൾ നടത്താം. അക്കാര്യങ്ങളറിയാം...

പ്ലാനിങ്ങും യാത്രാസമയവും

കുട്ടികൾക്കൊപ്പമുള്ള യാത്രകൾ വളരെ പെട്ടെന്നു തീരുമാനിക്കുന്നത് ആവശ്യമുള്ള പല കാര്യങ്ങളും ബാഗിൽ എടുത്തു വെക്കുന്നത് മറന്നു പോകാനിടയാക്കും.അതിനാൽ വ്യക്തമായ പദ്ധതികൾ തയാറാക്കി, ആവശ്യത്തിന് സമയമെടുത്തു വേണം യാത്രക്കൊരുങ്ങാൻ. എന്തൊക്കെ സാധനങ്ങൾ കൊണ്ടുപോകണമെന്ന ലിസ്റ്റ് ഉണ്ടാക്കുന്നത് ഒന്നും മറക്കാതിരിക്കാൻ സഹായിക്കും.

ടിക്കറ്റുകളും മുറികളും ബുക്ക് ചെയ്യണം. ദൂരയാത്ര ആണെങ്കിൽ ട്രെയിനിലും വിമാനത്തിലും നേരത്തേ ടിക്കറ്റ് ബുക്ക് ചെയ്യുക. സീറ്റുകൾ അടുത്തടുത്തു ലഭിക്കാൻ ഇത് സഹായിക്കും. താമസിക്കാനുള്ള മുറികളും നേരത്തേ ബുക്ക് ചെയ്യുക.

അതിരാവിലെയും രാത്രി വൈകിയും യാത്ര ആരംഭിക്കുന്നത് അത്ര നല്ലതല്ല. പകൽ യാത്ര ചെയ്യാനുള്ള സാധ്യതയുണ്ടെങ്കിൽ അതാണ് ഏറ്റവും ഉത്തമം. രാവിലെ 10നും വൈകീട്ട് നാലിനും ഇടയിലുള്ള സമയത്ത് യാത്ര ചെയ്യുന്നതാണ് നല്ലത്. ചൂട് കൂടുതലുള്ള കാലാവസ്ഥയാണെങ്കിൽ അതനുസരിച്ച് യാത്രകൾ ക്രമീകരിക്കാം.

ഈ സമയത്ത് റോഡുകളിൽ തിരക്ക് കുറവായിരിക്കും. മാത്രമല്ല, അതിരാവിലെ കുഞ്ഞിനെ ഉറക്കം കളഞ്ഞ് എഴുന്നേല്പിക്കുന്നതും ഒഴിവാക്കാം.

കൃത്യമായ ഒരു ശീലമുണ്ടാക്കിയെടുക്കുക. ഭക്ഷണം കഴിക്കുന്ന സമയം, സന്ദർശനത്തിനുള്ള സമയം, വിശ്രമം തുടങ്ങി എല്ലാത്തിനും സമയക്രമം വേണം. യാത്ര സുഖകരവും സന്തോഷ പ്രദവുമാകാൻ ഇത് സഹായിക്കും.

വസ്ത്രവും പാക്കിങ്ങും