ആധാർ ലിങ്ക്ഡ് ഒടിപി പ്രശ്നമാണ് പ്രവാസിക്ക്

ഓൺലൈൻ സേവനങ്ങൾക്കുള്ള ഒടിപി അധിഷ്ഠിത തിരിച്ചറിയൽ ഇന്ത്യൻ കമ്പനികളുടെ ഫോണിലേ ലഭിക്കൂ എന്നത് പ്രവാസികൾക്കു ബുദ്ധിമുട്ടുണ്ടാക്കുന്നു.

- സി.എസ്.രജിത്ത് പ്രമുഖ കോളമിസ്റ്റും വേൾഡ് ബാങ്ക് കൺസൽറ്റന്റുമാണ് ലേഖകൻ.

ബാങ്ക് ഇടപാടുകൾ നടത്തേണ്ട അക്കൗണ്ടുടമ'കൾ, ലൈഫ് സർട്ടിഫിക്കറ്റ് സമർപ്പിക്കേണ്ട പെൻഷൻകാർ, വില്ലജ് ഓഫിസിൽ കരം അടവ് ഉൾപ്പെടെയുള്ളവയ്ക്ക് പണം അടയ്ക്കേണ്ട ഭൂവുടമകൾ... ഇവർക്കെല്ലാം സർക്കാർ സർക്കാരിതര സേവനങ്ങളെല്ലാം കയ്യിലെ മൊബൈൽ ഫോണുകളിലൂടെ അനായാസം നടത്താം. പക്ഷേ, നിങ്ങൾ ഒരു പ്രവാസി ഇന്ത്യക്കാരനാണെങ്കിലോ? അതത്ര എളുപ്പമല്ല.

ഇവിടെയെല്ലാം സേവനം തേടുന്നവർ യഥാർഥ വ്യക്തികൾ തന്നെയെന്നു സേവനം ലഭ്യമാക്കുന്ന സ്ഥാപനങ്ങൾക്ക് ഉറപ്പുവരുത്തേണ്ടതുണ്ട്. കാരണം ഇവരാരും നേരിട്ടു ഹാജരാകുന്നില്ല എന്നതുതന്നെ. അതിന് അപേക്ഷകരുടെ മൊബൈൽ ഫോണിലേക്ക് വൺ ടൈം പാർഡ് അഥവാ ഒടിപി സന്ദേശമായി നൽകും. വ്യക്തി ആ നമ്പർ കൃത്യമായി നൽകിയാൽ മാത്രമേ സേവനങ്ങൾ പൂർത്തീകരിക്കാനാകൂ.

പക്ഷേ, പ്രവാസി ഇന്ത്യക്കാരന് അവർ താമസിക്കുന്ന രാജ്യത്ത് ഫോണിൽ ഒടിപി ലഭിക്കുക ബുദ്ധിമുട്ടാണ്. അതിനാൽ, സർക്കാരും സർക്കാരിതര സ്ഥാപനങ്ങളും നൽകുന്ന ഓൺലൈൻ സേവനങ്ങൾ ഉപയോഗിക്കാൻ സാധിക്കാതെ വരുന്നു.

ഒടിപി സേവനങ്ങളെയും ഉരുത്തിരിഞ്ഞുവരുന്ന സാധ്യതകളെയും അടുത്തറിഞ്ഞാൽ മാത്രമേ ഇവ പൂർണ രീതിയിൽ പ്രയോജനപ്പെടുത്താനാകൂ.

ഒടിപി എന്ന തിരിച്ചറിയൽ സംവിധാനം