അത്യാഗ്രഹം കെണിയാകും

പുതിയ വ്യാപാരസ്ഥാപനങ്ങളുമായി എത്തുന്നവരെ കെണിയിൽ പെടുത്താൻ കാത്തിരിക്കുന്നവർ അനവധിയുണ്ട്.

- പുളിക്കൻസ്

ഒരിക്കൽ ഒരു മനുഷ്യൻ കാട്ടിലൂടെ സഞ്ചരിക്കുമ്പോൾ വയസ്സായ ഒരു കടുവയെക്കണ്ടു. കടുവയുടെ മുൻകാലിൽ ഒരു സ്വർണവളയുണ്ടായിരുന്നു. കടുവ ആ വള അയാൾക്കു സമ്മാനിക്കാൻ ആഗ്രഹം പ്രകടിപ്പിച്ചെങ്കിലും ഭയം മൂലം അടുത്തേക്കു പോകാൻ അയാൾ മടിച്ചു. അലിവു തോന്നുന്ന വാക്കുകളിൽ കടുവ താണുകേണ് അപേക്ഷിച്ചു: "എനിക്കിനി നായാട്ടിനു പോകാനോ ആരെയെങ്കിലും കൊല്ലാനോ ഒന്നുമുള്ള ത്രാണിയില്ല. എന്റെ മരണം അടുത്തിരിക്കുന്നു. എന്റെ പല്ലും നഖവുമൊക്കെ കൊഴിഞ്ഞു. അതിനാൽ, ഇത്ര കാലം നടത്തിയ ക്രൂരതകളോർത്തു പശ്ചാത്തപിക്കാനും പ്രായശ്ചിത്തം ചെയ്യാനും ഞാൻ ആഗ്രഹിക്കുന്നു. അതിന്റെ ഭാഗമായി, ഈ സ്വർണവള ഒരു നല്ല മനുഷ്യനു നൽകാൻ തീരുമാനിച്ചിരിക്കുകയാണ്. ഞാൻ മനസ്സിൽ കണ്ടപോലുള്ള നല്ല മനുഷ്യനാണ് താങ്കൾ എന്നു മനസ്സിലായി. അതുക