അസറ്റ് അലോക്കേഷൻ ഫണ്ട് നേടാം, വിവധ്വവൽക്കരണത്തിന്റെ ചാരുതയിൽ

നിക്ഷേപരംഗത്തു വിജയിക്കാൻ ഒന്നു പോരാ, രണ്ടോ അതിലധികമോ നിക്ഷേപ ആസ്തികൾ വേണം

- അനൂപ് ഉണ്ണിക്കൃഷ്ണൻ മാനേജിങ് പാർട്ട്ണർ, ഐ സ്കെയിൽ ഫിനാൻഷ്യൽ കോൺസെപ്റ്റ്സ്

കുതിച്ചുയരുകയും അതേപോലെ വേഗത്തിൽ താഴേക്കു വീഴുകയും ചെയ്യുന്ന ഒരു റോളർ കോസ്റ്റർപോലെയാണ് നിക്ഷേപലോകം. ദീർഘകാല നേട്ടങ്ങൾ വാഗ്ദാനം ചെയ്യുമ്പോഴും ചാഞ്ചാട്ടങ്ങൾക്കു പേരുകേട്ടതാണ് ഓഹരി വിപണി. 2008 തുടക്കത്തിലും കോവിഡ്കാലത്തും സെൻസെക്സ്, നിഫ്റ്റി സൂചികകളിലുണ്ടായ വീഴ്ച ഉദാഹരണം. സുരക്ഷിതമായി കരുതുന്ന സ്വർണത്തിൽ പോലും ഈ ചാഞ്ചാട്ടമുണ്ടാകാം.

പലിശനിരക്കിലെ മാറ്റങ്ങൾക്കും സാമ്പത്തിക സാഹചര്യങ്ങൾക്കും അനുസരിച്ച് കടപ്പത്രങ്ങളുടെ ആദായത്തിൽ പോലും ഏറ്റക്കുറച്ചിലുകൾ അനുഭവപ്പെടാറുണ്ട്. നേട്ടം മാറിക്കൊണ്ടിരിക്കും.