അൺലിമിറ്റഡ് അൽഫാമും വയറു നിറച്ചു തട്ടിപ്പും

BALANCE SHEET

- കെ.കെ.ജയകുമാർ

അൺലിമിറ്റഡ് മിസ്ഡ് കോൾ. ആഴ്ചയിലൊരിക്കലുള്ള ഒത്തുചേരൽ ദിവസം പതിവില്ലാതെ സുഹൃത്ത് അക്ഷമയോടെ വിളിച്ചുകൊണ്ടിരിക്കുന്നു. സാധാരണ പലതവണ ഞാൻ വിളിച്ചാലാണ് അവൻ ഓഫിസിൽ നിന്ന് ഇറങ്ങുക. ഇന്ന് ഓഫിസ് ഗേറ്റിൽ എന്നെ കാത്ത് അക്ഷമയോടെ ഉലാത്തുകയാണ്. കാറിൽ കയറിയതും നേരേ ഹോട്ടൽ പൂങ്കാവനത്തിലേക്കു വിടാൻ ആജ്ഞാപിച്ചു. അവന്റെ മുഖത്തു വലിയ ഗൗരവം. "വയറ് വേണേൽ കാലിയാക്കിക്കോ. ഇന്ന് ഞാൻ നിന്റെ അൽഫാം കൊതി തീർത്തുതരും. നിങ്ങളുടെ ഗാങ് എനിക്കിട്ട പിശുക്കൻ പശു' എന്ന പേരുണ്ടല്ലോ, അതും ഞാനിന്നു മാറ്റും. സുഹൃത്ത് പറഞ്ഞു.

വെയിറ്റർ എത്തിയപ്പോൾ അവൻ പിന്നെയും എന്നോട്, "നിനക്ക് അൽഫാം പിരിപിരി തന്നെയല്ലേ. ഫുള്ള് വേണോ, ഹാഫ് മതിയോ?' “ക്വാർട്ടർ മതി. ഞാൻ ചിരിച്ചു.