നൂൽ ചുറ്റി വിൽക്കാം ആർക്കും നേടാം 15% ലാഭം

തയ്യൽ സ്ഥാപനങ്ങൾക്ക് നൂൽ ചുറ്റി നൽകി മുന്നേറുന്ന ഒരു കുടുംബസംരംഭം.

- 

അധികം പരിചിതമല്ലാത്ത ഒരു ബിസിനസാണ് ലത കൃഷ്ണൻകുട്ടിയുടേത്. ത്രെഡ്‌സ് അഥവാ നൂൽ ആണ് ബിസിനസ്. തൃശൂർ ജില്ലയിലെ തലോറിലാണ് റെയിൻബോ ത്രെഡ്സ് (Rainbow Threads) എന്ന പേരിലാണ് ഈ സംരംഭം.

എന്താണു ബിസിനസ്?

ആർക്കും ഈസിയായി ചെയ്യാവുന്ന ലഘു ബിസിനസാണ് ഇത്. വലിയ നൂലുകളുടെ കെട്ടുകൾ കൊണ്ടുവന്നു മെഷിനറി ഉപയോഗിച്ച് ചെറിയ കെട്ടുകളാക്കി ചുറ്റിക്കൊടുക്കുന്നു. 5,000, 2,500,1,000 മീറ്റർ നൂലുകളാക്കി വിൽക്കുന്ന ഒരു റീപാക്കിങ് ബിസിനസ് മോഡൽ. 40 ൽ പരം കളറുകളിൽ ഉള്ള നൂൽ കെട്ടുകളാണ് ഇപ്പോൾ തയാറാക്കി വിൽക്കുന്നത്.

എങ്ങനെ ഈ ബിസിനസിൽ എത്തി?

 നൂൽ ഉൽപാദന സ്ഥാപനത്തിൽ ഏറെ വർഷം ജോലി ചെയ്തു. സ്ഥാപനം പൂട്ടിയപ്പോൾ സ്വന്തം നിലയിൽ തുടങ്ങിയാലോ എന്നു ചിന്തിച്ചു. അങ്ങനെ മെഷിനറി വാങ്ങി, വീട്ടിൽത്തന്നെ വർക്ക് തുടങ്ങി. വലിയ മത്സരം ഇല്ലെന്നു മാത്രമല്ല, ഭർത്താവിനും കൂടി പണിയെടുക്കാവുന്ന സംരംഭം എന്നതും ഗുണം ചെയ്തു.

തിരുപ്പൂരിൽ നിന്നു നൂൽ