10 ലക്ഷത്തിന്റെ കവറേജിന് 270 രൂപ വീടിനും വേണം ഇൻഷുറൻസ്

വീടിനും വിട്ടുപകരണങ്ങൾക്കും കുറഞ്ഞ ചെലവിൽ കവറേജ് ഉറപ്പാക്കാൻ ഹോം പാക്കേജ് ഇൻഷുറൻസിനെ ആശ്രയിക്കാം.

- വിശ്വനാഥൻ ഓടാട്ട് എയിംസ് ഇൻഷുറൻസ് ബ്രോക്കിങ് [e-mail]

വീടിനും വീട്ടുപകരണങ്ങൾക്കും ധാരാളം പണം ചെലവഴിക്കുന്ന മലയാളികൾക്ക് അവ സംരക്ഷിക്കാനായി നാമമാത്രമായൊരു തുക മുടക്കാൻ മടിയാണ്. വർഷംതോറും ചെറിയൊരു തുക പ്രീമിയം അടച്ചാൽ വീടിനുണ്ടാകുന്ന നാശനഷ്ടങ്ങൾക്ക് നഷ്ടപരിഹാരം ഉറപ്പാക്കാവുന്നതേയുള്ളൂ.

റിസ്കുകൾ പലതുണ്ട്

തീപിടിത്തം, ഗ്യാസ് സിലിണ്ടർ, മണ്ണെണ്ണ , ഇലക്ട്രിക് ഹീറ്റർ, വൈദ്യുതി ഷോർട് സർക്യൂട്ട്, ഇടിമിന്നൽ, കാട്ടുതീ, തൊട്ടടുത്ത വീട്ടിൽനിന്നോ സ്ഥാപനങ്ങളിൽ നിന്നോ പടർന്നേക്കാവുന്ന തീ എന്നിവ മൂലം വീടിനും സാധനസാമഗ്രികൾക്കും കേടുപാടു പറ്റാം. ശക്തിയായ കാറ്റിൽ തൊട്ടടുത്ത വൃക്ഷങ്ങൾ വീടിന്മേലോ മതിലിന്മേലോ വീഴാനും സാധ്യതയുണ്ട്. ഓട്, ഷീറ്റ് എന്നിവ പറന്നുപോകാം.