ആധാർ ആശങ്കകൾ ഒഴിവാക്കാം

ആധാറിലെ വിവരങ്ങളുടെ സുരക്ഷിതത്വവും സ്വകാര്യതയും സംബന്ധിച്ചു സാധാരണക്കാരുടെ ഇടയിൽ ആശങ്കകൾ നിലനിൽക്കുകയാണ്.

- C S Renjith

ആധാർ കാർഡിന്റെ ഫോട്ടോകോപ്പി ഹോട്ടലുകൾ, സിനിമാശാലകൾ തുടങ്ങിയ ഇടങ്ങളിൽ നൽകുന്നത് ഡിജിറ്റൽ തിരിച്ചറിയൽ രേഖകളുടെ ദുരുപയോഗത്തിന് കാരണമാകും, അതിനാൽ, ആധാർ ഉടമകൾ ശ്രദ്ധിക്കണം എന്നൊരു മുന്നറിയിപ്പ് യൂണിക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ ഈയിടെ നൽകിയെങ്കിലും പിന്നീട് കേന്ദ്ര ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം ഇടപെട്ട് ഈ മുന്നറിയിപ്പ് പിൻവലിപ്പിച്ചു.

ആളെ തിരിച്ചറിയൽ സേവനം

ബാങ്ക് അക്കൗണ്ട് തുറക്കുക, സിം കാർഡുകൾ വാങ്ങുക, സ്കൂൾ പ്രവേശനം തുടങ്ങിയ ഇടപാടുകൾ നടത്തുമ്പോൾ ആളെ തിരിച്ചറിയാനുള്ള പല മാർഗങ്ങളിൽ ഒന്നു മാത്രമാണ് ആധാർ ഇതിന്റെ ആധികാരികത സുപ്രീംകോടതി സ്ഥിരീകരിച്ചിട്ടുമുണ്ട്.

സർക്കാർ സഹായധനം നേരിട്ടു ലഭിക്കുന്നതിനുള്ള ബാങ്ക് അക്കൗണ്ട് തുറക്കുന്നതു പോലെ ചുരുക്കം സന്ദർഭങ്ങളിൽ മാത്രമേ കേന്ദ്രസർക്കാരും ആധാറിനായി നിർബന്ധിക്കുന്നുള്ളൂ. എന്നാൽ, ഇത്തരം അവസരങ്ങളിലൊന്നും ആധാർ വിവര ശേഖരത്തിലുള്ള സുപ്രധാന രേഖകളൊന്നും ബാങ്കു കൾക്കോ മറ്റ് സ്ഥാപനങ്ങൾക്കോ നൽകുന്നുമില്ല.

വിവരണമില്ല, വിവരങ്ങൾ മാത്രം

പന്ത്രണ്ടക്ക സവിശേഷ നമ്പർ നൽകിക്കൊണ്ട് ഇന്ത്യയിലെ ഓരോ പൗരന്റെയും അടിസ്ഥാന തിരിച്ചറിയൽ വിവരങ്ങൾ മാത്രമാണ് ആധാറിൽ പേര്, മേൽവിലാസം, ഉൾപ്പെടുത്തിയിരിക്കുന്നത്. ജനനത്തീയതി, ലിംഗം എന്നിവ നിർബന്ധമായും ചേർക്കണം. മൊബൈൽ നമ്പർ, ഇ-മെയിൽ വിലാസം എന്നിവ ഇഷ്ടപ്രകാരവും ചേർക്കാം.