உலகக் குத்துச்சண்டையில் தங்கப்பதக்கம் வென்ற 4 இந்திய வீராங்கனைகள்!

விளையாட்டுத்துறையில் ஆண்களுக்கு சவால் விடும் வகையில் இன்னும் சொல்லப்போனால் ஆண்களை விஞ்சும் வகையில் பெண்கள் அபார சாதனை படைத்து வருகிறார்கள். இது உலகக் குத்துச்சண்டை போட்டிலும் பிரதிபலித்துள்ளது.

- நிகரியவாதி

அண்மையில் டெல்லியில் மகளிர் உலக குத்துச் சண்டை சாம்பியன்ஷிப் போட்டிகள் நடைபெற்றன. இதில் பல்வேறு நாடுகளைச் சேர்ந்த வீராங்கனைகள் பங்கேற்றனர்.

இப்போட்டியில் இந்தியாவைச்சேர்ந்த நீத்து கங்காஸ், சவீட்டி பூரா, நிகத் ஜரீன், லாவ்லினா போர்கோஹைன் ஆகிய 4 வீராங்கனைகள் மகத்தான வெற்றி பெற்று தாயகத்திற்கு பெருமை தேடித்தந்துள்ளனர்.

பெண்களுக்கான குத்துச்சண்டை சாம்பியன்ஷிப்பில் ரஷ்யா, சீனா மற்றும் துருக்கிக்கு அடுத்தபடியாக இந்தியா நான்காவது இடத்தைப் பெற்றுள்ளது.

இந்தியாவில் ஆண்களுக்கானதாகவே இருந்து வந்த குத்துச்சண்டை போட்டியில் பெண்களும் சாதனை படைக்க முடியும் என்பதை இந்திய குத்துச்சண்டை வீராங்கனையான மேரி கோம் தன் தொடர் வெற்றிகளால் நிரூபித்தார்.

அவரது வெற்றியால் இந்தியாவில் பெண்களுக்கான குத்துச்சண்டைப் போட்டி புதிய உத்வேகம் பெற்றது. மேரி கோமின் சாதனையை அங்கீகரிக்கும் வகையில் அவர் மாநிலங்களவை உறுப்பினராக நியமிக்கப்பட்டது வீராங்கனைகளுக்கெல்லாம் உந்து சக்தி அளித்து வருகிறது. பல பெண்கள் துணிச்சலுடன் குத்துச்சண்டை களத்தில் இறங்கினர். அதன் விளைவாகவே தற்போது நடந்த உலகக் குத்துச்சண்டை சாம்பியன்ஷிப் போட்டியில் இந்தியாவுக்கு 4 தங்கப்பதக்கங்கள் கிடைத்துள்ளன.