இயற்கையை அழித்து...பாமாயில்?

சமையலில் நல்லெண்ணெய், தேங்காய் எண்ணெய், கடலை எண்ணெய், ஆகியவற்றை பயன்படுத்தி வந்த நம்மவர்களை கடந்த 30 ஆண்டுகளில் ஆரோக்கியத்துக்கு கேடு விளைவிக்கும் பாமாயில், ரீபைண்ட் ஆயில் பக்கம் திருப்பி விட்டது, நிச்சயம் திட்டமிடப்பட்ட கார்ப்பரேட் ஆதாய செயல்தான் என்ற கருத்து மேலோங்கி வருகிறது. அதற்கேற்ப உடலியல் சார்ந்த கோளாறுகளும் அதிகரித்துக் கொண்டு இருக்கின்றன.

- 

செம்பனை எனப்படும் ஒரு வகை பனை மரத்தில் காய்க்கும் பழங்களில் இருந்து பாமாயில் எடுக்கப்படுகிறது. இதன் அதிக உற்பத்தி காரணமாக இதன் விலை மலிவு. விலை மலிவான பொருள் என்றாலே அதுதரத்திலும் மலிவாக இருக்கும். இருந்தாலும் அதன் பயன்பாடு குறையவில்லை.

பாமாயில் இரண்டு வகை பனை இனங்களில் இருந்து தயாரிக்கப்படுகிறது. ஆப்பிரிக்கன் பாமாயில் என்பது 'எலியிஸ் குயினென்சிஸ்' என்கிற மர இனத்தில் இருந்து எடுக்கப்படுகிறது. அமெரிக்கன் பாமாயில் என்பது 'எலியிஸ் ஒலிபெரா' என்கிற இனத்தில் இருந்து எடுக்கப்படுகிறது.