ആനയെ തുരത്തുന്ന ഡ്രോൺ

വന്യമൃഗങ്ങളുടെ ആക്രമണം ചെറുക്കുന്നതിന് സഹായകം

- 

വിദ്യാർഥിയായിരിക്കുമ്പോൾ 2013 ലെ ഒരു വിവാഹച്ചടങ്ങിലാണ് കോട്ടയം കുറിച്ചിത്താനത്തുള്ള അശ്വിൻ പി.നായർ ആദ്യമായി ഡ്രോൺ കാണുന്നത്. അന്നു തുടങ്ങിയതാണ് യന്ത്രപ്പറവയുമായുള്ള ചങ്ങാത്തം. വിവാഹച്ചടങ്ങ് കഴിഞ്ഞു വീട്ടിലെത്തിയപ്പോൾ ഡ്രോൺ വാങ്ങണമെന്ന ആഗ്രഹം വീട്ടിൽ അശ്വിൻ പറഞ്ഞെങ്കിലും ഉയർന്ന വില തടസ്സമായി. എന്നാൽ, ഒരു വർഷത്തിനുള്ളിൽ ചൈനയിൽനിന്ന് ആവശ്യമായ ഘടകങ്ങൾ വാങ്ങി സ്വന്തമായി ഒരു ഡ്രോൺ നിർമിച്ചതോടെ അശ്വിന്റെ വേറിട്ട താൽപര്യങ്ങളെ വീട്ടുകാരും നാട്ടുകാരും ശ്രദ്ധിച്ചു തുടങ്ങി. ഡ്രോൺ നിർമാണം ഒരു ഹോബിയായി തുടർന്നു. 2018 ലെ പ്രളയകാലത്ത് കാണാതായവരെ തിരയാൻ തന്റെ ഡ്രോൺ ഉപയോഗിച്ചതായി അശ്വിൻ പറയുന്നു. പിന്നീട് എൻജിനീയറിങ് കോളജിൽ രണ്ടാം വർഷ വിദ്യാർഥിയായിരിക്കുമ്പോഴാണ് വിവിധതരം ഡ്രോണുകൾ നിർമിക്കുന്ന സ്റ്റാർട്ടപ് കമ്പനിയെക്കുറിച്ചു ചിന്തിക്കുന്നത്.