ചെടിവിൽപനയിലുമുണ്ട് ഓൺലൈൻ തട്ടിപ്പുകൾ

ഓൺലൈൻ തട്ടിപ്പു സംബന്ധിച്ച പരാതി നാഷനൽ സൈബർ ക്രൈം റിപ്പോർട്ടിങ് പോർട്ടലിൽ https://cybercrime.gov.in ലജിസ്റ്റർ ചെയ്യണം

- ഡോ. ഷീന എ.

ചട്ടി നിറഞ്ഞുനിൽക്കുന്ന നല്ല ആന്തൂറിയം ചെടിക്ക് വെറും 40 രൂപ! ഇത് കുറഞ്ഞ വിലയ്ക്ക് ഇത നല്ല ചെടിയോ എന്ന് സംശയിച്ചാലും പരമാവധി ഓർഡർ ചെയ്യും. പണം ഓൺലൈനിൽ നൽകും. നാളുകൾ കഴിഞ്ഞിട്ടും ചെടി ലഭിക്കാതെ വിൽപനക്കാരനെ ബന്ധപ്പെടാൻ നോക്കുമ്പോൾ ഫോൺ എടുക്കില്ല. പിന്നെ നമ്മളെ ബ്ലോക്ക് ചെയ്യും.

സൂക്ഷിക്കുക, ഇക്കാര്യങ്ങൾ

സോഷ്യൽ മീഡിയയിൽ ചെടി വിപണനത്തിന് ഒട്ടേറെ ഗ്രൂപ്പുകൾ ഉണ്ട്. ഓരോ ഗ്രൂപ്പിനും സ്വന്തം നിയമങ്ങളും ലക്ഷ്യങ്ങളും ഉണ്ടാകും. ഗ്രൂപ്പ് അഡ്മിൻ അംഗീകരിച്ച പോസ്റ്റ് ആവും അതിൽ വരുന്നത്. ആയിരങ്ങൾ അംഗങ്ങളായ ഗ്രൂപ്പിൽ എല്ലാ പോസ്റ്റുകളുടെയും ആധികാരികത ഉറപ്പു വരുത്താൻ അഡ്മിനു കഴിയണമെന്നില്ല. ഇതാണ് തട്ടിപ്പുകാർ മുതലെടുക്കുന്നത്.

തട്ടിപ്പുകൾ പലതരം

വ്യാജ പ്രൊഫൈൽ: സൽപേരുള്ള പ്രൊഫൈലുകളുടെ ഫോട്ടോയും പേരും അനുകരിച്ചു വ്യാജ പ്രൊഫൈൽ ഉണ്ടാകുന്നു. ഉദാ: “അനു ഗാർഡൻ' എന്ന നല്ല പ്രൊഫൈൽ ഉണ്ടെന്നിരിക്കട്ടെ. വ്യാജന്മാർ ഇതേ പേരിൽ രംഗത്തുവരും.

വിലക്കുറവ് പ്രലോഭനം